თვითმომსახურების კიოსკი სასტუმროსთვის

როგორ მუშაობს

კიოსკის ეკრანზე ორი ღილაკია: ჩექინი და ჩექაუთი. ჩექინისას სტუმარი პოულობს თავის ჯავშანს, ასკანერებს პასპორტს ან პირადობას, ამოწმებს მონაცემებს და ხელს აწერს სარეგისტრაციო ბარათს. ბოლოს იღებს კარის კოდს ან ინსტრუქციას, სად აიღოს გასაღები.

ჩექაუთისას სტუმარი წასვლას კიოსკზევე ადასტურებს და მიღებასთან გაჩერება არ სჭირდება.

იგივე ჩექინი, რაც ტელეფონზე

კიოსკი ცალკე სისტემა არ არის. ის იმავე ჩექინს ატარებს, რასაც სტუმარი ჩამოსვლამდე ტელეფონიდან გადის, და მონაცემები ერთ ადგილას ხვდება. ვინც ჩექინი სახლიდანვე დაასრულა, კიოსკთან აღარ ჩერდება. ვინც ვერ მოასწრო, ლობიში ამთავრებს.

თქვენს სასტუმროზე მორგებული

კიოსკს თითოეული სასტუმროსთვის ცალკე ვაწყობთ: თქვენი ფერები და ლოგო, რომელი ნაბიჯები გამოჩნდეს ეკრანზე, ჩართულია თუ არა გადახდა და დოკუმენტის სკანერი. ცვლილებას დისტანციურად ვაკეთებთ და ის ყველა კიოსკზე თავისით ვრცელდება.

მოწყობილობა

კიოსკი Android-ის ტერმინალზე მუშაობს. მას შეიძლება მიუერთდეს დოკუმენტის წამკითხველი, QR კოდის სკანერი, გასაღების ბარათის წამკითხველი და გადახდის ტერმინალი. თუ ტერმინალი მიერთებულია, სტუმარი დარჩენილ თანხას იქვე იხდის ბარათით.

ჩვენ ვხედავთ, რომ ყველა კიოსკი ჩართულია და მუშაობს, და საჭიროების შემთხვევაში დისტანციურად ვტვირთავთ თავიდან.

ვისთვის ღირს

კიოსკი განსაკუთრებით გამოგადგებათ, როცა სტუმრები ერთად ჩამოდიან, მაგალითად ჯგუფები ან საღამოს რეისის მგზავრები, როცა მიღება ღამით დაკეტილია, ან როცა ერთ თანამშრომელს რამდენიმე საქმე აბარია.

პატარა გესთჰაუსს ხშირად ტელეფონით ჩექინიც ჰყოფნის. კიოსკი დამატებითი მოდულია და მისი ჩართვა ნებისმიერ დროს შეგიძლიათ. მოწყობილობის შესარჩევად დაგვიკავშირდით.